यो सेवा सदन विसुद्ध उदारमन दाताहरुको सहयोग र सद्भावनाबाट संचालित एक सामाजिक संस्था भएकोले, यसले हालसम्म संचालन गरेका र भविष्यमा संचालन गरिने कुनै पनि कार्यक्रमको लागि आदरणिय उदारमनादाता महानुभावहरु एवं सदस्यहरुको महत्वपूर्ण भूमिका रहन्छ । यिनै कुरालाई मध्य नजर राख्दै सेवा सदनले निकट भविष्यमा तपसिल अनुसारको थप कार्यक्रम संचालन गर्ने लक्ष्य राखेको छ।

• सेवा सदनमा रहने ज्येष्ठ नागरिकहरुलाई नियमित सेवा तथा भोजन आदिको लागि मुद्धती कोषमा रकम अभिवृद्धि गर्ने प्रयासलाई निरन्तरता दिँदै अन्य औषधोपचार गर्न स्थापित औषधोपचार कोषमा रकम अभिवृद्धि गरिने ।
• विपन्न परिवारका केटाकेटीहरुको पढाईको लागि शैक्षिक छात्रवृति कोषको स्थापना गरिएकोमा कोषमा रकम अभिवृद्धि गरिने ।
• यस सेवा सदनको उत्तर तर्फको २ रोपनी १ आना १ पैसाको खाली जग्गामा दाताहरु खोजी गरी सम्पन्न ज्येष्ठ नागरिकहरुलाई व्यवस्थित तरिकाबाट सेवा प्रदान गर्न सुविधा जनक भवन निर्माण गर्ने ।
• ज्येष्ठ नागरिकको संख्या वृद्धि गर्दै नीजहरुलाइ गुणात्मक सेवा प्रदान गर्ने ।
• लक्ष्मी नारायणको मन्दिरमा नियमित पूजा भजन,तथा सेवा सदन परीषरमा धार्मिक  प्रबचन, अन्य सामाजिक कार्यक्रम संचालन गर्ने ।