निसहाय सेवा सदन असहाय ज्येष्ठ नागरिक, अनाथ बालबालिका तथा विपन्न समुदायका लागि दानदाताहरुको सहयोग र सद्भावनाबाट सञ्चालन भइरहेको एक गैर–सरकारी संस्था हो। यस संस्थालाई सहयोग गर्ने विभिन्न तरिकाहरु रहेका छन्, जसको माध्यमबाट इच्छुक व्यक्तिहरूले आफ्नो योगदान दिन सक्नुहुन्छ।

नगद वा जिन्सी सामान बुझाउन चाहने व्यक्तिले कार्यालयमा सम्पर्क गरी रकम वा सामान बुझाई आधिकारिक रसिद लिन सक्नुहुन्छ। यसरी प्राप्त भएको सहयोगलाई संस्थाले पारदर्शी ढंगले ज्येष्ठ नागरिक तथा आश्रित बालबालिकाको जीवनस्तर उकास्न प्रयोग गर्दै आएको छ।