परिचय

विगत वर्षदेखि हालसम्मका प्रमुख कार्यहरु ।

•  उदारमन दाता स्व. उदयलाल श्रेष्ठको आर्थिक सहयोगबाट सुरुमा निर्मित एक तल्ले भवनमा वि.स. २०५२ सालदेखि ज्येष्ठ नागरिक आवास गृह संचालन हुँदै आइरहेकोमा आश्रममा बस्न चाहने ज्येष्ठ नागरिकहरुको बढ्दो माग र आवश्यकतालाई ध्यानमा राखी विभिन्न दाता महानुभावहरुको सहयोगबाट क्रमशः दोस्रो र तेस्रो तल्ला थपी हाल यस आश्रममा ३६ जना महिला र ५ जना पुरुष गरी जम्मा ४१ जना ज्येष्ठ नागरिकहरु एउटै परिवारका रुपमा सेवा पाउँदै आएका छन् ।
• डा. सुश्री विजयालक्ष्मी श्रेष्ठको आर्थिक सहयोगमा निर्मित यस संस्थाबाट संचालित सत्सङ्ग गृहमा पितृकार्य गर्ने विभिन्न महानुभावहरुलाई नियमित रुपले सहयोग पु¥याउँदै आइरहेको छ । हाल उक्त भवनमा विभिन्न दाताहरुको सहयोगबाट दोस्रो तल्ला थपी पितृ कार्यमा थप सहयोग पुगेको छ ।
• यससेवा सदनको परिसर भित्र स्व. एन.के सिंह र श्रीमती प्रमिला सिंहबाट निर्मित लक्ष्मीनारायण मन्दिरमा दैनिक पूजा, प्रत्येक महिनाको १ गते विशेष पूजा तथा भजन र प्रत्येक हप्ताको बुधवार साई भजन तथा हरेक एकादशीमा एकादशी कथा बाचन, अध्यात्मिक प्रवचनहरु नियमित रुपले गर्ने व्यवस्था गरिएको छ र प्रत्येक वर्ष मन्दिरको स्थापनाको दिन विभिन्न कार्यक्रम गरी मनाउने गरिन्छ ।
• वि.स. २०५५ सालमा नेपाल इन्स्यूरेन्स कम्पनिको आर्थिक सहयोगमा यस संस्थाको थप लगानीमा सानो भान्सा घरको निर्माण गरी सेवा पु¥याउँदै आएकोमा उक्त भान्सा घर सानो भई सो भत्काएर सोहि स्थानमा विभिन्न दाताहरुको आर्थिक सहयोगमा दुईतल्ले पक्कि भवन निर्माण गरिएको छ । उक्त भवनको पहिलो तल्लामा भान्सा तथा ५० जना लाई एकै पल्ट खुवाउन मिल्ने म्ष्लष्लन ज्बिि तथा दोस्रो तल्लामा १५० सिट भएको आधुनिक हल निर्माण गरिएको छ ।
•  उक्त आधुनिक हलमा प्रत्येक विहान ५ बजे देखि ७ बजेसम्म २ घण्टा यस संस्थाका ज्येष्ठ नागरिकहरु तथा बाहिरबाट आउने व्यक्तिहरुलाई पँतञ्जली योगको प्रशिक्षणको कार्यक्रम संचालन गरिएको छ ।
•  गत १० वर्ष देखि प्रत्येक दिन विहान १ घण्टाको बह्माकुमारी राजयोग सेवा केन्द्र (ओम् शान्ती) बाट आध्यात्मिक प्रवचन नियमित रुपले सञ्चालन भईरहेको छ ।
• उक्त हलमा समय समयमा विभिन्न कार्यक्रमहरु संञ्चालन गर्दै आएको छ ।
• यस संस्थामा आश्रित ज्येष्ठ नागरिकहरुको स्वास्थ्योपचारको लागि चिकित्सक तथा नर्सको व्यवस्था गरिएको छ । साथै समय समयमा विभिन्न अस्पताल तथा संस्थाहरुको  विशेषज्ञ चिकित्सकहरुबाट स्वास्थ्य सेवा उपलब्ध गराउने व्यवस्था गरीएको छ ।
•  गरिब तथा जेहेन्दार वालवालिकाहरुको लागि एक शैक्षिक कोषको स्थापना गरी छात्रवृति प्रदान गर्ने व्यवस्था गरिएको छ । हाल १२ जनालाई छात्रवृति प्रदान गरिएको छ ।कार्य संचालन