निःसहाय सेवा सदनको
२०७३ असार मसान्त सम्मको कार्य प्रगती प्रतिवेदन

१. यस निःसहाय सेवा सदनले विगत २० वर्ष देखि संस्थाको विधानको अधिनमा रहि उदेश्य अनुसार ज्येष्ठ नागरिक आवास गृह, सत्सङ्ग गृह त्रृmयाघर, लक्ष्मीनारायण मन्दिर, छात्रावृत्ती कोष जस्ता विविध सामाजिक कार्य पवित्र समाज सेवाको भावनाले प्रेरित भई ज्येष्ठ नागरिकको क्षेत्रमा उहाँहरुको दुःख पिडालाई केही हदसम्म मेटाउन सक्ने उदेश्यले आफ्नो आर्थिक श्रोत र साधनले भ्याएसम्म ज्येष्ठ नागरिकले पाउने सुख सुविधामा रति पनि कमि नराखी यो संस्था निरन्तर रुपमा सेवारत रहेको सर्व विदितै छ ।

२. यस संस्थाले सुरुमा १ जना जेष्ठ नागरिकबाट संचालन गरी हाल ७ जना पुरुष र ३६ जना महिला ४३ जना ज्येष्ठ नागरिकलार्य लालन पालन गर्दै आएको छ भने ३९ जना ज्येष्ठ नागरिकको लालन पालन गरिसकेको छ । यस संस्थाले आफ्नो भवनमा ५१ जनासम्म ज्येष्ठ नागरिक लालन पालन गर्नसक्ने क्षमता भएको ३ तले भवन विभिन्न नेपाली दाता संघ संस्था नगरपालिकाको सहयोगबाट निर्माण गरिएको छ । यसैको छेउमा २ तलाको सुविधायोक्त किचन डायनिङ्ग हल र कार्यक्रम हल करिव ५५ लाखको लागतमा सम्पन्न गर्न गइरहेको छ । उक्त भवन निर्माण गर्दा विचैमा छोड्न नमिल्ने भएकोले २ तलानै सम्पन्न गर्ने क्रममा १२ लाख जती ठेकेदारलाई रकम भुक्तानी गर्न बाँकी रहेको र सो रकम जुटाउन विभिन्न दाताहरु संग, सरकार संग, संघ संस्थासँग सहयोगी हात फैलाउनु पर्ने अवस्था रहेको कुरा जानकारी गराउँदछौं ।

३. सेवा सदनले ज्येष्ठ नागरिकको उपचार व्यवस्थालाई सु–व्यवस्थीत बनाउन सानो क्लिनिक कोठा आफ्नै कम्पाउण्डमा बनाएको छ । उक्त क्लिनिकका हप्ताको २ पल्ट डाक्टरी परिक्षण, महिनाको १ चोटी ल्याव जाँच गर्ने व्यवस्था मिलाईएको छ । र ठुलो उपचार गर्नु परेमा डाक्टरले सिफारिस गरे अनुसार अस्पतालमा लगी उपचार गर्ने व्यवस्था मिलाईएको छ ।

४. सेवा सदनले औषधी उपचार खर्चमा ठुलै धनरासी खर्च गर्नु परेको छ । सुगर, प्रेसर, ग्याष्टिक, मुटु रोग, बाथ रोग, दमको रोग विषेश गरी ज्येष्ठ नागरिकमा हुने भएकोले नियमित औषधी खुवाउनु पर्ने हुन्छ यसका लागी मासिक रु. ११,०००÷– देखि १५,०००÷– सम्म र अस्पताल लगि उपचार गर्नुपरेमा ५० औं हजार खर्च गर्नु परेको जानकारी गराउँदछौं । ज्येष्ठ नागरिकको स्वास्थ्यलाई सवल बनाउन नुहाउन तातोपानी, पिउन तातोपानी, पौष्टिक आहारा प्रदान गर्ने व्यवस्था मिलाइएको छ । ज्येष्ठ नागरिकलाई सुत्नु भन्दा पहिला १ कप दुध अनिवार्य रुपमा खुवाउने व्यवस्था सिजनल फलफुल झन्नै दैनिक जस्तो च्याउ पनिर र मांसहारीलाई अण्डा माछामासु समेत खुवाउने व्यवस्था मिलाइएको छ ।

५. यस संस्थाले संस्था संचालनलाई दिर्घकालिन बनाउन आफ्नै कोषको स्थापना गरेको छ । उक्त कोष विभिन्न दाताले दिएको सहयोग सदस्यता शुल्कबाट हालसम्म १करोड एक लाख विभिन्न १७ वटा बैंकमा खाता खोली राखिएको छ । नेपालको बैंकिङ्ग व्यवस्था ज्यादै अविश्वसनिय हुनाको साथै विश्वासनिय बैंकहरुमा व्याज दर अति न्यून हुने भएकोले संस्थाको रकम कहिलेकाही ज्यादै जोखिममा पर्न जान्छ त्यसै अनुरुप अहिले रु. ५ लाख व्लड मर्चेन्ट बैंकमा जोखिममा परिरहेको छ । संस्थाको मुख्य श्रोत भनेकै मुद्दती खाताको व्याज सरकारबाट प्राप्त हुने वार्षिक १, २ लाख र सबै नेपाली जनताको सहयोग नै रहेको छ । संस्थाले वार्षिक रुपमा २३ देखि २४ लाख व्ययभार बोक्नु परेको छ भने मुद्दती खाताबाट ९ देखि १० लाख मन्त्रालयबाट १, २ लाख र बाँकी सबै सहयोगी दाताहरुकै आसमा आश्रित रहनु परेको छ ।

६. संस्थाले आफ्नो लेखा प्रणालीलाई दुरुस्त राख्न सरकारी स्तरकै लेखा व्यवस्था मिलाएको छ र हरेक वर्ष ख वर्गका लेखा परिक्षकबाट लेखा परिक्षण गराई साधारण सभाबाट पारित गरि सम्बन्धित निकायमा पेश गर्ने गरेको छ । सेवा सदनको स्थापना कालदेखि हालसम्मको लेखा प्रणाली हेर्न चाहेमा जस्ताको तस्तै उपलब्ध गराइने छ । ज्येष्ठ नागरिक आवास गृह संचालनको लागी १० जना कर्र्मचारी आवश्यकतानुसार २४ सै घण्टा उपलब्ध छन् । ज्येष्ठ नागरिकलाई मनोरन्जनको लागी टेलिभिजन, धार्मिक कार्यक्रम आध्यत्मीक कार्यक्रम शारीरिक व्यायम जस्ता कार्यक्रम संचालन गरिएको छ । यस्ता कार्यक्रमबाट ज्येष्ठ नागरिकहरु घर छोडेर आउनु परेको पिडालाई बिर्सी आनन्दसँग बाँकी जिवन विताइरहेका छन् ।

७. संस्थालाई समाज कल्याण मन्त्रालयले प्रदान गरेको यस वर्षको लागी रु. २ लाख अति नै न्यून रहेपनि केहि राहत मिलेको छ । उक्त रकम समयमै प्राप्त नभई असार मसान्तको अन्तिम घडिमा प्राप्त हुने र बिल भरपाई पेश गर्नुपर्ने बाध्यता रहँदा संस्थालाई केहि कठिनाई झेल्नु परेको कुरा अवगत गराउन चाहान्छु । उक्त रकम ६ महिना अगावै उपलब्ध भए संस्थाले राहत महसुस गर्ने थियो । संस्थाको आफ्नो लेखा प्रणाली व्यवस्थित रहेको हुँदा मन्त्रालयमा पठाउने सक्कलै बिल भरपाई पठाउनु पर्ने बाध्यता अनुरुप लेखा परिक्षणको क्रममा फोटोकपी बिलमा परिक्षण गर्दा समस्या रहेको र उक्त बिल भरपाईलाई मन्त्रालयले प्रमाणित गरि दिने व्यवस्था मिलाईदिनुहुन अनुरोध गर्दछौं । यस वर्ष प्राप्त भएको रकम ३ महिलनाको दुध, २ महिनाको औषधी खर्च, १ महिनाको कर्मचारी तलव र ग्याँस तरकारी जस्ता खाद्य सामाग्रीहरुमा खर्च गरिएको कुरा जानकारी गराउँदछु ।

८. संस्थाले सेवा सदन अन्तर्गत विभिन्न उप–समिति गठन गरी कार्यक्रम संचालन गर्दै आएको छ भने क्रृया घरमा यो वर्ष ३०, ४० परिवारको आफ्ना दिवंगत नातेदारको काजकृर्या सम्पन्न गरेका छन् । धार्मिक कार्यक्रममा हप्तामा १ पटक भजन किर्तन गर्नुको साथै हरेक दिन आध्यत्मीक प्रवचनको कक्षा विहान ७ बजे देखि ९ बजेसम्म संचालन हुने गरेको छ । शारीरिक व्यायमको लागी ५ बजे देखि ६ बजेसम्म योगा प्रणायम जस्ता कार्यक्रम संचालन गरिदै आएको छ । यसै गरी आपत विपतमा परेका वा गरिव असाय विद्यार्थीलाई मासिक रु. ५००÷– छात्रवृत्ती प्रदान गर्दै आएको छ । हालसम्म १८ जनालाई सहयोग पुर्याइएको छ । यसरी नै संस्थाले आफ्नो कार्यक्रम संचालन गर्दै आइरहेको छ भने संस्थालाई दिर्घकालिन संचालन गर्न वा कसैसँग सहयोगको अपेक्षा नरहेता पनि संस्था संचालन हुने अवस्थामा पु¥याउनको लागी करिवन २ करोडको अक्षयकोष वृद्धि गर्नुपर्ने महसुस गरेको छ ।

भवदिय

……………………
प्रशासकिय अधिकृत
निःसहाय सेवा सदन